السلام عليكم ورحمة الله وبركاته
احترت بايش ابدء المدونة واخترت ابدء بفرشاة الفاونديشن :$
أنا صارلي سنة مجربة فرشاة Make Up For Ever ومن جربتها بالمحل ماحبيتها
بس اللي تشتغل بالمحل قنعتني فيها ورضيت واخذتها
ماحبيتها ابدن خصوصا اني كنت استخدم وقتها فاونديشن estee lauder double wear
هالفاونديشن يبي له فرشاة تصفه صف ولا بيطلع بايخ لانه فل كفر :(
من وقتها كنت ابي اغيرها وكان قدامي سيقما بس ماحب اخذ شي ماجربته
جربت فرشاة real techniques عند اختي حبيتها وكنت بطلبها من امازون لان التاجرات هنا يرفعون الاسعار ع الفاضي :)
وقبل فترة رحت سيفورا وشفت هالفرشاة واصلا هي مو للفاونديشن للكونتور
انا ببالي فرشاة كذا للفاونديشن احسها تحطه مرتب بس انقهرت انهم مارضو اجربها مع انو فيه فرش للعرض
قلت خل اخذها وش خسرانه واخذتها واول ماوصلت البيت على طول جربتها ههههههههههههه
صراحه بطله بطله مع انها تطيح شعر خفيف بس نتيجة الفاونديشن المتناسق غطت على هالعيب
طبعا هي شعراتها كثيفة وهالشي يساعد انو مو لازم تكثرين فاونديشن لان مايدخل للجدور زي الفرشاة الثانية يخلص الفاونديشن عليها وتشربه شرب حتى لاجيت اغسلها احس بمعاناة :(
تدمج الفاونديشن بكل سهولة وحتى الكونسيلر اذا مستعجله ادمجه فيها يطلع بيرفكت مايطلع جهه افتح من جهه ولا مخطط
صراحه حلوة وحبيتها ومع ذلك ودي اجرب SIGMA F80 على ما أظن
ارقام الفرش :
Make Up For Ever 55N
سعرها : 150 ريال على ما أظن من سنة ماخذتها
SEPHORA
bronzer 43.contour blush
سعرها : 113 ريال
وهاذي الفرش طلبتها من أمازون
وكنت موحابة اطلب مجموعة الفرش الاربع بعدين يطلعون بايخين بس طلبتهم لاختي من real techniques
صراحه حلوين ماعليهم خصوصا حقة الاساس ولا البلاشر اي فرشة تضبطه ماتفرق
نبدء من فوق مع انو اكيد اغلبكم عنده هالفرش ولا يعرفها لان منتشرة بكثرة
فما بتكلم عنهم كثير على الفاضي
1* real techniques powder brush
توزيعها بطلع حبيتها
2* sigma tapeed highlighter -f35
هالفرشاة تستخدم للهايلايتنق (الاضاءة على عضمة الخد) حبيتها اريح من الاصابع وتخلي الاضاءة واضحة
3* sigma large angled contour - f40
هالفرشاة للكونتور ( نحت الوجه ) صراحة لسى ماجربتها كويس لاني مالقيت درجة الكونتور المناسبة لي
4* sigma blending - e25
هالفرشاة اطلق فرشاة فيهم كلهم من جد هي الوحيدة اللي حسيت بفرق عن الفراشي العادية
انا ابدن مو صلح مع الايشدو بس هالفرشاة تطلع الايشدو كني مسوية بمشغل من كثر ماهو مرتب
مدحتها ونسيت اكتب هي حق ايش ههههههههه
هالفرشاة لدمج الايشدو يعني مايطلع كنه مرسوم رسم وكل لون لحاله
لا تدمج الالوان مع مع بس ماتخليهم حوسة
تدمجهم بشكل حلو ومتجانس
وبس خلصت هالتدوينة وان شاء الله اكون مانسيت شي
وتكلمت بشكل صح واذا غلطت بشي مشوها بما انها اول تدوينه لي :$
ليست هناك تعليقات:
إرسال تعليق