السلام عليكم ورحمة الله وبركاته ..
أحترت شنو أكتب عنوان بما أني بتكلم عن هالمنتجات بس أنا مو راضية عنهم كليا
وخليه عنوان قيد التجريب :) عشان لحد يقول انتي قلتي انه زين
انا ماعندي هالات بشكل واضح
بس عندي هالات تعب تطلع لما أكون مرهقه ولا مانمت زين
بس احسها تحتاج تغطية غيري لما يشوفني يقولي مافيك هالات بس انا احب أكون بشكل كامل شسوي :(
اهم شي قبل الكونسيلر ترطيب تحت العيون عشان مايخطط الكونسيلر
أنا مالي تجارب كثيرة مع الكونسيلر لان بعض الفاونديشنات تغطي لي المشكلة لما تجي فل كفر
بس البي البي كريم مايغطيها ف أحتاج كونسيلر
أول شي بتكلم عنهم على شكل نقاط بعدين بتكلم عن البيوتي بلندر ♥"
1- كونسيلر Dior اسمه ممسوح عندي ورقمه دورته من النت عشان أكتبه لكم
لونه على جاي على صفار وهالشي اللي ماحبيته فيه يمكن الموظفة عطتني درجة غلط
هذا عيب اللي يشتغلون عندنا يعطون وبس خصوصا لو كانت درجتي مخلصه عندهم يمشون الباقي :)
review*
مدري ليه مبسوطة عليه احسه فاشل عليها قالب رمادي وهي توها حاطته اصلا ماكنها حطت شي
2- كونسيلر diego palma
هالكونسيلر لونه يجي على لون بشرتي تمام التمام بس فيه عيب مضايقني :(
لما أحطه يكون زي اثار الحبوب أو القشور هو يصير كذا يمكن لانه ستيك :(
جربت اوزعه بكل الطرق بفرشاة , بيوتي بلندر , أصابعي مانفع معه
شكلي بأخذ منهم كونسيلر سائل نفس الدرجة أذا عندهم
طبعا تصدقون أني مرات أحطه بس بدون فاونديشن من كثر ماهو نفس درجتي ♥♥♥
طبعا مالقيت له review :(
3- كونسيلر maybelline
حبيته كثير وأنا معتمدته هالفترة لين ألقى الكونسيلر المثالي ب النسبة لي
احلى شي فيه مايقلب على رمادي ويقلب الدنيا معه
review*
* أخر شي بتكلم عن البيوتي بلندر ♥♥♥
هالشي واااو واااو من جد من بعدها فرق معي البي البي كريم والكونسيلر والكونتور
توزعه عدل عدل وتخليه يتجانس مع لون البشرة
الكونتور عانيت أول ماتعلمت عليه أحسه يصير أوفر وأمسحه :(
لين جربته فيها وطلع بيرفكت مرهه طبعا أفكر اشتري وحده ثانية أخليها خاصه للكونتور
لان البيوتي بلندر تتشرب الفاونديشن والكونتور لما يكون كريمي ويلخبط الالوان أحيانا
لاني استخدمها مع بعض للشيين مو لاني ما أغسلها :)
*عيبها الوحيد أنها تتشقق بالاظافر :(
و أتوقع هالشي واضح بالصورة اللي بأول البوست
review*
وبكذا بكون خلصت البوست لليوم
وأن شاء الله أوعدكم بعرض اشياء جديدة :) ♥
ليست هناك تعليقات:
إرسال تعليق