•
•
السلام عليكم 🌷
قبل فترة ممكن اقل من شهر حكيت لكم في الانستقرام ان ابطي احترق او انسلخ من شرائح الشمع
وقتها انقهرت و ندمت ع اللحظه اللي فكرت استخدمه فيها
وسويت لي موعد عند الدكتورة اللي كنت اتعالج عندها عن الحبوب بس كان الموعد متأخر حيل
ف حاولت احل المشكلة بنفسي
دورت عن كريمات غالبا تكون للتقرحات والحروق والتشققات وهالاشياء
ف شريت :
* كريمات بيباثين الثلاثه
* سدو كريم هو مخصص لتسلخات الاطفال غالبا بس قلت ممكن ينفع 😪
* ميبو للحروق
* كريم فيوسيدين
ميبو استخدمته ممكن ٤ ايام ووقفته لان ريحته لاتطاق ويحر لما احطه مو حرار يعور لا يحسسني اني حرانه مكتومه في المنطقة الاحساس بس
شي هيك اتمنى يكون شرحي واضح
وريحته كريهه حتى لما اتروش ماتروح لاني احاول قد ما اقدر ما استخدم صابون على منطقة الابط
وكمان كريم فيوسيدين من ثالث استخدام خلص علي ف السر كله بكريمات بيباثين وسدو كريم 😍
ف صرت احط كل شوي كريم ف تعبت وبعدين صرت احط اول شي سدو كريم لانه ثقيل وبعدها اخلط كريمات بيباثين مع بعض احط من كل واحد شوي واحطهم ع منطقة الابط
كنت استخدمهم مرتين او مره باليوم ع حسب وكنت احاول قد ما اقدر ما اخلي الابط جاف دايم احط اي كريم من بيباثين عشان يترطب لان لما يجف اشوف زي القشور لان اثر الحرق كان يتقشر مع الكريمات اتوقع
وكنت ما استخدم ديودرنت ابداً ووقت ما اطلع احط بودرة جونسون عشان تظل المنطقة جافه ومن ارجع اغسله واحط الكريمات اللي حكيت عنها
ورجع ابطي ابيض ماتتخيلون قد ايش فرحت لما شفته رجع ابيض 💗😍😍😍😍
وبس حبيت افيدكم بطريقتي وان شاء الله تنفع معكم زي مانفعت معي
لان لما كتبت مشكلتي كثير بنات حكو انهم صار لهم مثلي مع الشمع ف مناطق مختلفه من الجسم 😪❌
دايم احس ان مشاكل الجلد لما تنحل من البداية اسهل من لما نحاول نحلها بعد فترة
ف نصيحة بنات من تلاحظو شي ع بشرتكم لاتنظرو اكثر من اسبوع ع اساس ممكن يروح من نفسه لان يطول حيل لما تشوفينه ماراح وتبدين تبين تعالجينه
•
•
اخبار السيارات
ردحذفاخبار السيارات
موضوع رائع
ردحذفشركة نقل عفش بالرياض