طريقتي ف التخلص من أثار حروق شرائح الشمع :(

•

•

السلام عليكم 🌷 

قبل فترة ممكن اقل من شهر حكيت لكم في الانستقرام ان ابطي احترق او انسلخ من شرائح الشمع 

وقتها انقهرت و ندمت ع اللحظه اللي فكرت استخدمه فيها 

وسويت لي موعد عند الدكتورة اللي كنت اتعالج عندها عن الحبوب بس كان الموعد متأخر حيل 

ف حاولت احل المشكلة بنفسي 

دورت عن كريمات غالبا تكون للتقرحات والحروق والتشققات وهالاشياء 

ف شريت :

* كريمات بيباثين الثلاثه 

*  سدو كريم هو مخصص لتسلخات الاطفال غالبا بس قلت ممكن ينفع 😪

* ميبو للحروق 

* كريم فيوسيدين

ميبو استخدمته ممكن ٤ ايام ووقفته لان ريحته لاتطاق ويحر لما احطه مو حرار يعور لا يحسسني اني حرانه مكتومه في المنطقة الاحساس بس

شي هيك اتمنى يكون شرحي واضح 

وريحته كريهه حتى لما اتروش ماتروح لاني احاول قد ما اقدر ما استخدم صابون على منطقة الابط 

وكمان كريم فيوسيدين من ثالث استخدام خلص علي ف السر كله بكريمات بيباثين وسدو كريم 😍

ف صرت احط كل شوي كريم ف تعبت وبعدين صرت احط اول شي سدو كريم لانه ثقيل وبعدها اخلط كريمات بيباثين مع بعض احط من كل واحد شوي واحطهم ع منطقة الابط 

كنت استخدمهم مرتين او مره باليوم ع حسب وكنت احاول قد ما اقدر ما اخلي الابط جاف دايم احط اي كريم من بيباثين عشان يترطب لان لما يجف اشوف زي القشور لان اثر الحرق كان يتقشر مع الكريمات اتوقع 

وكنت ما استخدم ديودرنت ابداً ووقت ما اطلع احط بودرة جونسون عشان تظل المنطقة جافه ومن ارجع اغسله واحط الكريمات اللي حكيت عنها

ورجع ابطي ابيض ماتتخيلون قد ايش فرحت لما شفته رجع ابيض 💗😍😍😍😍

وبس حبيت افيدكم بطريقتي وان شاء الله تنفع معكم زي مانفعت معي

لان لما كتبت مشكلتي كثير بنات حكو انهم صار لهم مثلي مع الشمع ف مناطق مختلفه من الجسم 😪❌

دايم احس ان مشاكل الجلد لما تنحل من البداية اسهل من لما نحاول نحلها بعد فترة 

ف نصيحة بنات من تلاحظو شي ع بشرتكم لاتنظرو اكثر من اسبوع ع اساس ممكن يروح من نفسه لان يطول حيل لما تشوفينه ماراح وتبدين تبين تعالجينه 

•

•

عطر فيري من فان كليف آند آربلس 💎

.

.

السلام عليكم 

. 

.

عطر فيري من فان كليف آند آربلس 💎

عطر فيري النسائي من باقة عطور فان كليف آند أبربيلس الرائعة ، وقد ظهر هذا 

العطر في عام 2008م وهي سنة الافتتاح لهذه الشركة بصناعة أروع العطور الراقية

عطر فيري النسائي هو عطر خرافي أبدعته شركة فان كليف للحوريات الجميلات ، 

هذا العطر يعطيك حساً جميلاً أنثوياً ويجعلك فاتنة الحضور في المناسبات.

يبدأ العطر رائحته في المقدمة مع نفحات من روائح الورود البنفسجية والأوراق 

الخضراء التي تنعش وتثير الحضور مع مزيجاً من الفواكه الطازجة والزهور ، 

ونلاحظ روائح المندرين الإيطالي أيضا والوفاق الفاكهي من الكشمش الأسود ، 

اما قلب 

العطر فيحتوي على روائح البلغارية مع رائحة الياسمين المصري ، أما في قاعدة 

العطر فيحتوي على روائح الخشب الثمين ونجيل الهند.

عطر فاكهي زهري للمرأة المعاصرة.

ذو رائحة حادة ولطيفة، زكية وحسية. 

أجمل عطر جربته ريحة لها ذكرى مميزة تذكرني بيوم زواجي 👰💞 حتى خواتي إذا 

استخدمتها يذكرون زواجي 

دايم بيوم الزواج اختارو عطر فواح وريحته ثابته وماقد استخدمتوها كذا راح تكون لها 

ذكرى خاصه 

حتى بالسفر احب أخذ عطر جديد عشان بعدين لما اشمه ريحته تربطني بذكريات 

السفره 💓

ريحته حيل ثابته ماتتصورون كيف ثابته يلصق بالجسم 

وكمان لما احط لبس بالكبت وكنت حاطه منه إذا فتحت الكبت اشمه لو أكثر من شهر 

تظل ثابته بالملابس ما أبالغ ريحته قوية وثابته بس ماتكتم ولما تبرد تجنن تجنن

شريته بعد زواجي كثير بس ما احب استخدمه ع طول عشان لاتروح ذكرياته واتعود 

عليه 💞

إذا جربتوه راح تشوفو كيف الكل يسأل عنه لأن فواح بشكل فضيع ومايروح ولا يطير 

حتى شكله جميل وكيوت بس ماينفع للشنطة ابداً

وبس وأن شاء الله يعجبكم الريفيو ويكون خفيف عليكم وواضح 

مشترياتي من ( أنقلوت ) ورأيي فيهم بعر التجربة

السلام عليكم ورحمة الله وبركاته 

اليوم راح اتكلم عن منتجات ماركة أنقلوت ما أشوفها مشهورة كثير بس اهي تقريبا نفس ماك 

واسعارها حلوه نفس ماك قبل هبة البنات فيها وارتفاع اسعارهم 

قبل أشتري منهم سويت سيرش عشان أشوف المنتجات اللي يمدحوها كثير 

أنا دايم قبل أشتري شي لازم أكون قاريه عنه 

ف حطيت ببالي اشياء ورحت لهم بعض الاشياء مالقيها وبعضهم لقيتهم

أكثر شي يمدحونه البنات عندهم اللي يسموها القطرة السحرية بس ما اخذتها لاني ما أحس اني احتاجها 

راح أوريكم مشترياتي ب مرتين رحت لهم 

مشتريات المرة الأولى كانت ( مناكير - أوراج - هايلايت )

المناكير نوعهم اللي لما يجف يكون مات حبيته حبيته من جربته

ألوانهم حلوة وناعمة وبسرعه تنزال ماتتعب مع الازالة 

واسعارهم حلوة وجودتهم حلوة والفرشة تبع المناكير سهلة 

هذي أكثر نقاط اركز عليهم لما أجي ابي اشتري مناكير 

الهايلايت شريته بعد مدح مايا احمد باليوتيوب وبعد ماشفتها لما تحطها كيف جميلة

حلوة كثير بعض البنات مايحبونها لانها فيها حبات قليتر بس انا أحب هالشش فيها لان بعد ما احطها

حبات القليتر تندمج مع البشرة وتصير كأنها لمعة الموية مادري كيف أشرحها لكم بس عجيبه

تستخدم للبودي والعين والفيس حلوة لمدمع العين 

تشبة ماري لو بس أقوى منها الدرجة اللي أخذتها مثل ماهو واضح بالصورة رقمها 01 

وأسمها وواضح بالصورة 

شايفين كيف حبات القليتر بالصورة 

لونها نفس لون ماري لو لما تندمج ع البشرة هنا مبين كأنه برونزي بس هو مو كذا 

جربوها بالمحل قبل ممكن ماتعجبكم 

هذي الألوان اللي حبيتها راح ابدء من اليمين 

1- لونه عودي ع بني تقريبا رقمه 410 مات ثقيل

أرواج انقلوث ثقيله حيل بس حلوة وتحتاج تريب قبلها وماتنفع للشفايف اللي تتقشر ابدا

2- لونه خوخي أو برتقالي ع وردي بس مو فاقع رقمه 124 

قوامه مو مات وكريمي وفيه لمعه خفيفه 

حلو للصيف لونه شوي جاي ع وردي 

3- لونه بنفسجي ع عنابي جميل جميل ع الشفايف رقمه 420

مات نفس الروج الأول ثقيل بس لونه عجيببب 

بعد ماجربت المشتريات الاولى تحمست أجرب منهم منتجات أكثر وشريت هالاشياء

أحلى شي بأنقلوت وتتميز فيه أنك تقدرين تأخذين منهم علب فاضية وتحطي اللي تبيه فيهم 

ميك أب فور أيفر ومات عندهم هالشي بس محدود ع الأيشدو تقريبا

اما انقلوت تقدرين بالارواج والايشدو والبلاشر والباودر 

وهالشي حبيته كثير 

هالباليت سويته للطلعات والسفرات حطيت فيه تدرجات البني للحواجب وكمان للعين لاني طايحه بلوك جميل حيل

وحطيت فيه شدو تدرجات البيبي بينك للجفن عشان مايصير لونه ابيض من الفاونديشن أو البرايمر ماحبه ابيض

واللي بعده روج لونه افتح من كذا لما احطه كأني مو حاطه شي ومات لونه نفس الشفايف تقريبا ويصير احط عليه قلوس اللون اللي ابي
أو احط روج لونه وردي بوسط الشفايف احب كذا يعطي لوك حيوي 💞
وبلاشر لونه يجنن وفيه شيمر خفيف ماكان ودي اختار لونه فيه شيمر لاني حابه الباليت يكون عملي للطلعات السريعه وللشنطة
بس اللون جميل حيل ماقاومته 💘 
وكمان فيه باليت فيه بودر و ثلاث أماكن للشدو أو الروج يصير باليت عملي وصغير للطلعات وللشنطة 

شريت باليت وحطيت فيه باودر فاتح وغامق الكونتور

 اول مره اجرب الباودر تبعهم  فيه درجات مختلفه للكونتور أخذت اللي يناسبني

Inglot HD powder 

بعد تجربتي لها اقدر اقول انها حلوة 

تغطيتها كبودر جميلة ومو ثقيلة وتعطي إضاءة 

أما الكونتور لونه حلو وجاي ع رمادي مو نفس الصورة مبين كأنه برونز 

حبيت شي فيه أو قصدي أكثر شي حبيته فيه انه يندمج بسهولة 

والباودر اافتح مني بدرجات عشان استخدمه للاضاءة تحت العين والاماكن اللي ابي ابرزها

وأكثر ثاني شي حلو فيه حجمه بالنسبة لأغلب باليتات الكونتور اللي تجي كبيرة فجحمه صغير 

طبعا فيه ألوان مختلفة بالنسبة للبودر اللي هي الإضاءة والباودر اللي لتحديد للملامح تختارو ع حسب اللي يناسب لونكم 

عجبتني تركيبهم ف حابه اخذ منهم بودر أو لوس بودر نفس لوني لكامل الوجه مو للاضاءة

وبس هذي مشترياتي منهم وأن شاء راح اجرب اكثر لان اشيائهم حلوة كثير

وكمان فيه شي ماصورته لما شريت الاشياء الاخيرة عطوني مناكير هدية 

هم عندهم عروض مثلا لو شريتي 5 أوراج لك السادس مجانا 

أو 4 أرواج لك الخامس مجانا مو ذاكره شنو بالضبط لان من زمان

وكمان لو شريتي بمبلغ معين يعطونك هدية انتي اللي تختارينها بس طبعا مو من كل المنتجات

فيه مجموعة شغلات انتي تختاري منها

كانت مناكير وعلب نفس اللي شريتهم ورموش هذا اللي أذكره

وانا اخترت المناكير 

Beauty Blender Sponge | إسفنجة بيوتي بلندر

السلام عليكم 

اليوم راح اتكلم عن تجربتي ل أسفنجة البيوتي بلندر

كثير بنات تكلمو عنها بس أنا بتكلم عنها من ناحية تجرتبي لها 

أول ما طلعت سوت ضجة كثيرة ومن رأيي تستاهل هالضجة 

أول ماجربتها حبيتها وبعدين صرت استخدمها بكل ميك أبي اقصد انه مرات اجرب فرشة جديدة ما استمر استخدمها

بس البيوتي بلندر صارت اساسية بميك ابي

راح أقولكم مزاياها اللي لاحضتها فيها 

أول شي وأهم شي الفاونديشن يصير صافي وطبقة وحدة 

طبعا احسن طريقة لها لما استخدمها بالطبطبة غير كذا راح تمتص الفاونديشن

انا استخدمها للفاونديشن وللكونسيلر وللباودر يعني متكاملة من كل النواحي بالنسبة لي 

ومثل ماقلت كل شي استخدمها فيه بالطبطبة 

حلوة مع البيبي كريم والفاونديشن بس السائل حيل ماتنفع معه لانها راح تمتصه وماراح تبين التغطية لما نحطه فيها

وللكونسيلر جميلة مرة افضل من كل الفرش اللي جربتهم اصلا بعدها ماحبيت استخدم اي فرشة 

دايم احس الشكل مو بيرفكت بدونها 

ومرات احب استخدم بعد الكونسيلر باودر بالطبطبة يصير منور تحت العين 

وبس بكذا خلصت 

مزيل ميك اب من سيفورا

.

.

.

مزيل ميك اب من سيفورا 

عبارة عن زيت وموية وأشياء ثانية لازم ترجينه عشان تندمج المكونات مع بعض 

لي معه 3 أسابيع وشوفو الكمية اللي خلصت قليلة مره لانه قطنه وحدة تكفي كامل الوجه 

طبعا هو للعين انا انتظف العيون اول شي بعدين امسح باقي الوجه وبعدها اغسل وجهي بالغسول وينظف كويس 

نجي لرأي بالغسول 

الغسول جميل وينظف كويس وبسرعه مايحتاج فرك 

خصوصا ان العين المفروض لها منظف ينظف بسرعه عشان الرموش

ماتطيح وكمان تحت العين يفترض ماينفرك عشان مايسود تحت العين مع الوقت

يعني المناديل ابعدو عنها ابدا ابدا لاتستخدموها للعين باقي الوجه عادي بس العين لا 

الغسول يحرق عيني لادخل فيها شوي مو واجد بس ماحسس عيني كثير جربوه قالو مايحرق يعني ممكن هالشي من عيني 

بس اكيد اي شي يدخل العين بيحرقها ف صرت ما افتح عيني وانا انظفها

 وع طول امسح اللي بقى من الغسول وبكذا مايحرق 

فيه إعلان شفته لنيفا ممكن اذا مو غلطانه عنهم نفس هالغسول بالضبط بس ماجربته 

بالنسبة لي حبيت فكرة انو الغسول يكفي الوجه كله يعني اقتصادي

.

.

.

مشتريات من سنتربوينت .. 🌸

.

.

.

السلام عليكم ورحمة الله ♥♥

اليوم بعرض لكم منتجات من الدرق الستور ورأيي فيها

طبعا اكيد ممكن يختلف رأيي عن رأيك ورأي أي أحد ثاني 

بس أنا اعرض تجربتي يمكن فيه احد يحب يشوف الأراء بالمنتجات قبل شرائها 

.

.

.

.

.

.

مثل ما أنتو شايفين المنتجات من براندات مختلفة أغلبها درق ستور

اللي أذكر سعره راح احطه

.

.

.

.

.

.

راح ابدي بالفاونديشن 

فاونديشن برجوا هيلثي ماكس ♥♥

يمكن أنا أخر وحده جربته بس أقدر أقول ياليتني مجربته من زمان ♥♥♥♥

الحين لي معه أكثر من الشهرين وحابته مره 

أولا ثابت لمدة 12 ساعة هالشي أقوله من تجربتي 

ثانيا انا بشرتي مختلطه ومادهن معي ولونه مايتغير بعد فترة 

واحلى شي فيه أنه طبيعي يعني ماراح يضر البشرة مع الوقت 

انا بالنسبة لي تغطيته تكفيني لاني ما احب الفل كفر

بس هو يعتبر ميديم كفر وتقدرين تثقلينه بطبقتين وراح يصير فل كفر 

ما اذكر اذا كانت له درجات كثيرة ولا لا 

سعره حول 70 SR 

.

.

.

.

.

.

ليب بالم من NYX

لونه يجنن يجنن احمر ناري تقريبا يناسب اغلب البشرات 

قوامه مات وثابت لما تحطينه ع الشفايف ينمد موناشف 

بس عيبه الوحيد اللي لاحظته ينكسر بسرعه ممكن لانه مات 

حاولت ما اطلع منه كثير لانه قلم ينبرم اتمنى فهمتو علي

بس نفس الشي ينكسر بسرعه 

هالشي ماحبيته ابدا لاني ما أقدر استخدمه 

.

.

.

 .

.

.

هايلايت من ماركة NYX

اذكر قبل شفته وجذبني البرونز أكثر بس ما أخذتهم لاني ما احب الهايلايت الكريمي وللحين ما احبه كثير 💔

واخذته هالفتره كثير قالو يشبه هايلايت بنفت اللي حطيته قبل 

بس لما جربته ابدا مايشبه 

هايلايت بنفت لما تحطينه ماتحسين فيه لمعة قليتر تحسينه ينعكس مع الضوء و لمعته تشبه لمعة الماء أو الفازلين 

أما هذا الهايلايت كثير يشبه هايلايت انقلوت اللي حطيته ف الانستقرام قبل فترة 

فيه لمعه قليتريه بعد فتره تتجانس مع البشرة 

حبيته بس مو واو يعني أخذته وانا اصلا ما احتاجه لأن مافيه شي زايد عنهم 

بس حابه اخلطه مع فاونديشن يمكن يعطيني هايلايت الكوريات  ♥♥

.

.

.

.

.

.

ارواج برجوا velvet 🌸

قوامهم مات بس جاي ع كريمي مدري كيف اشرح لكم 

مايجون نفس الارواج المات الثقيلة الناشفة اللي بعد فترة تحسين طبقه تتقشر على شفايفك 

لا هاذي الارواج مره جميله وبالنسبة لي أفضل خيار اللي يحبون الارواج السائله المات 

ملمسها مره جميل على الشفايف اللي جربها راح يعرف شنو اقصد بكل كلامي 

ماجرب اكل وانا حاطتهم فمادري إذا تروح إذا أكلت ولا لا 

بس اتوقع تخف لأنها مو مات حيل 

سعره : 75 SR تقريبا

.

.

.

.

.

.

روج سوفت مات من NYX 🌸

يهبل يهبل يهبل 💖💖 ملمسه على الشفايف مخملي ونفس ماقلت عن ارواج برجوا 

انه مو المات الثقيل اللي يقشر الشفايف 

لا ناعم وخفيف ابدا ما كأني حاطه شي 

حبيته مرا وحبيت هاللون 

المفروض اني ماخذه أكثر من لون بس لان قريت كم وحده تقول انهم ثقال ومزعجين وأخذت واحد اجربه 

اللي كانت محتاره تأخذ منهم ولا لا تروح على طول تأخذ

 ماكان فيه ألوان كثير كمان كان فيه احمر ع عنابي وفيه غطاهم اسود وفيه غطاهم نفس لون الروج مدري اذا فيه فرق بينهم ولا لا 

يمكن النوع الثاني اللي مو حلو ويمكن كلهم نفس الشي كمان ريحته حلوه 🌸

سعره مادري كم لانو ماكان مكتوب عليهم وماسألت

.

.

.

.

.

.

ماسكرا حواجب من ماركة ايسدورا 

قلت لكم اني لما شفت هالماركة جديدة عندنا حسيتها حلوه وحبيت اجربها خذيت هالشيين 

الماسكرا حلوه للي تعرف وتحب تستخدم ماسكرا لحواجيها

انا عندي غيرها بس ما استخدم احس لما احطهم ماحب حواجبي احسهم ثقال عجزت احبهم 

هي خفيفه ومو سائله حيل مادري هي جافه ولا هي كذا 

بس حبيت هالنقطه عشان ما اطبع وانا احدد الحواجب

وكمان حلوه اللي حواجبها سماك بس ترتبهم بالماسكرا 

انا احبها وقت ما اكون صابغه حواجبي احب اصبغهم هالفتره بقولكم بعدين شلون يبين الرسم طبيعي مو كأنه تاتو 

فيه نقطه ماحبيتها بالماسكرا فرشاتها كبيره بالنسبة للحواجب مو كبر تبع الماسكرا بس المفروض تكون أصغر عشان اقدر احدد ذيل الحاجب بدون ما اخرب الرسمه 

فرشاة ماسكرا بنفت للحواجب حجمها حلو صغنونه مره 

الدرجه ميديم أو رقمها اثنين يمكن كنت ابي الفاتحه مافيه 

اللي تبي رقمها أو اسمها بالضبط تقول و بكتبه لها 

.

.

.

 .

.

.

هذا باليت من ايسدورا 

براند ماعرف عنها شي وحبيت اجرب 

عجبتني الألوان والجودة بس لسى ماجربتهم وشفت إذا ثابتين بعد فتره ولا لا فماراح اتكلم كثير عنهم 

بس حبيت اوريكم كيف لمعتهم تأخذ العقل

سعره : 95 SR

.

.

.

.

.

.

بيس الشدو من NYX 

من شين حظي انو هذا اول برايمر اشتريه 

قلت قبل اني ما احط شدو بكثره والايام هابه بالشدو 

وكثير عجبهم هالشي وقلت اجربه 

لما جربته ع يدي فيه فرق اللون بالبيس أوضح من بدونه 

المهم جربته على عيني وحطيت شدو هنا الصدمه انه تكود بكسرة العين

 وانا لما كنت احط بدون بيس ماكان يتجمع بالطريقه ابدا ابدا حتى لما اروح زواج لين اخر الزواج بس يبين خط خفيف إذا غمضت 

أما ذا جمع الشدو كله بكسرة العين ويطلع لي جفون زيادة 

يحر كأنه فازلين ابدا ماعجبني اللي عجبها تعلمني كيف تستخدمه 

 انا رايي فيه ولا وحده تشتريه حتى في اسوء الأحوال 

إلا إذا علموني له طريقه خاصه وطلع زين بقولكم 

سعره : 90 SR 

وخسارة فيه كل ريال

.

.

.

وبس كذا وأسفة اذا كلامي مختصر مره بس عشان يوصل رأيي بكل سهولة ومايأخذ منك وقت